لو انت طبيعي
وعرفت ان اعز اصدقائك مثلي الجنس
واللى فهمته منه انه مش بيفكر فى الجنس نهائي
لا ده مجرد انه بيحب واحد من نفس نوعه وكل هدفه اخ وصديق وحبيب يراعي المشاعر
لكن مش جنس ابدا
عموما هل فعلا فى حب كده
حب خالص !!!
مالوش دعوة بالجنس
ولو في هل صح ان واحد يعيش مع واحد تانى بدون زواج يعنى لاده يتزوج ولا ده يتزوج
انا مش ضد المثليه لكن لما تبقي اعز صديقاتي بتتكلم كده وتطلعني عقلي صغير وبكبر الموقف يبقي لا ده زيادة قوى
هي حرة فى حياتها لكن مش من حقها تفرض رأيها عليها وتفهمني وتجبرني على اني اصدق انها صح
أنا بتأسف لكل مثلي ومثليه هيشوفوا الموضوع لكن دى عشرة عمري
وكانت مخبيه عني
انا عقلي هيطير بجد مش قادرة اتعايش مع الموقف ده
وعايزة حد يسمعنى رأي يفيدني
انا شايفه انه غلط واستحاله حب كده اكيد الجنس هيتغلغل العلاقه دي
اجلا ام عاجلا
هل انا صح ولا غلط ؟
اخسر اعز صديقاتي علشان هي كده ولا لأ ؟
ارجوكم حد يجاوبنى والله دى حقيقة وانا محتارة جدا
وأنا عارفه انها هتشوف الموضوع ده
وبقول لها انا بحبك وانتى اختي لكن
أنا أسفه لو كلمتك بطريقه وحشه وقولت ألفاظ مش كويسه على حبيبتك-زى مابتحبى تناديها-
أنا أسفه لكن لسه مش عارفه أنا صح ولا غلط
وكفايه رد واحد يفهمني صح
وعرفت ان اعز اصدقائك مثلي الجنس
واللى فهمته منه انه مش بيفكر فى الجنس نهائي
لا ده مجرد انه بيحب واحد من نفس نوعه وكل هدفه اخ وصديق وحبيب يراعي المشاعر
لكن مش جنس ابدا
عموما هل فعلا فى حب كده
حب خالص !!!
مالوش دعوة بالجنس
ولو في هل صح ان واحد يعيش مع واحد تانى بدون زواج يعنى لاده يتزوج ولا ده يتزوج
انا مش ضد المثليه لكن لما تبقي اعز صديقاتي بتتكلم كده وتطلعني عقلي صغير وبكبر الموقف يبقي لا ده زيادة قوى
هي حرة فى حياتها لكن مش من حقها تفرض رأيها عليها وتفهمني وتجبرني على اني اصدق انها صح
أنا بتأسف لكل مثلي ومثليه هيشوفوا الموضوع لكن دى عشرة عمري
وكانت مخبيه عني
انا عقلي هيطير بجد مش قادرة اتعايش مع الموقف ده
وعايزة حد يسمعنى رأي يفيدني
انا شايفه انه غلط واستحاله حب كده اكيد الجنس هيتغلغل العلاقه دي
اجلا ام عاجلا
هل انا صح ولا غلط ؟
اخسر اعز صديقاتي علشان هي كده ولا لأ ؟
ارجوكم حد يجاوبنى والله دى حقيقة وانا محتارة جدا
وأنا عارفه انها هتشوف الموضوع ده
وبقول لها انا بحبك وانتى اختي لكن
أنا أسفه لو كلمتك بطريقه وحشه وقولت ألفاظ مش كويسه على حبيبتك-زى مابتحبى تناديها-
أنا أسفه لكن لسه مش عارفه أنا صح ولا غلط
وكفايه رد واحد يفهمني صح
20 التعليقات:
بصى يادينا
أعتقد من رأيي ان كل واحد حر فى حياته وانتى قولتى كده ودى حاجه كويسه جدا ولفته رائعه منك
وبعدين مش كل حاجه فى الحياه هى الجنس
احنا بشر والجنس ده مش اهم حاجه فى حياتنا احنا مش حيوانات كل همنا ناكل ونشرب ونتكاثر او نمارس الجنس
دينا أنا كل اللى عايزاكى تفهميه ان انا وهى أكيد اخوات وانتى اكتر واحده تعرفنى
بلاش تهددى صداقه من زماااااااااااان قوى بالدمار
علشان شكوك وظنون مالهاش اى اساس
وانتى عارفه
انا صديقتك وأختك مش صح اللى بتعمليه ده والله
عموما انا خلاص قولتلك اللى عندى من فترة مش من دلوقتى
وانا اهتم جدا بانك تقتنعى
مش علشان خاطرى ياسيتى
علشان العشرة اللى بينا
انا لسه اختك حرام عليكى يادينا
:((((((((((((((((((((((((((((((
انا مش هقول وداع زى ما انتى قولتى فى الرساله
انا هقولك اشوفك قريب لو تحبى طبعا ولو لا
يبقى اتمنى لك السعاده والتوفيق
وانا موجوده فى اى وقت تحتاجى اخت انا اختك
سلام يادينا
اولا ما فيش حاجة اسمها مثلى الجنس
مش عايزين نغير فى الالفاظ ديه اول شئ
تانى حاجة عايز اقولك المرء على دين خليله فلينظر احدكم من يخالل
يعنى الواحد على دين صاحبة وسلوكياته وافعاله
تانى حاجة
الشاذ جنسيا سواء بنت او ولد
مريض نفسيا
ويفعل مالا يرضاه الله فى اى دين
ومتهيالى انك مش هتقدرى تتعملى مع مريض نفسى لانك مع رفضك ليها هيتحول حبها لشئ مرضى وهوس بيك ورغبة فى امتلاكك
لانك رفضيتيها وزدتى شعورها بالدونية
نصيحتى ليكى انك توجيهيها لدكتور نفسانى
لان الشذوذ الجنسى يتم معالجتة نفسيا ولا يوجد شذوذ وراثى كما يدعون
انا لو مكانك كنت هبعد عنها
انا راي ان مافيش مشكله مش معني ان هي صاحبتك انك كان لازم تكوني عارفا في حاجات شخصيه من حقنا نحتفظ بيها لنفسنا
احتفظي بصداقتها
dear dina:
boosy ya benty o dah taba3a2 3ashan far2 el sen ely beny o benek ana ra2y thast everybody can live his life the way he want if he dont harm anybody,why u dont wanna s ur friend happy with her gf.u must be happy for her and so what its not a big deal is just bcoz of the way we raise us up in ,kol 7aga 7aram,3eeb,ana 3'alat but this is not true there is no wrong in life bcoz there is reason for everything so she love a girl and love is a good thing so this is not wrong and she is not guilty at all,just plz try 2 change this way of thinkin and u shoudnt say gays u only allow 2o say lovers or humans bcoz the names r not a big deal
sorry if i botherd u and keep tellin us ur openion about all babe
bye
بصي يادينا
انتي شخصيه عقليتك متفتحه زي مالاحظت قبل كده و متقبله المثليين ليه لما الموضوع اتعلق بحد تعرفيه و خصوصا اعز صديقه عندك اختلفت وجهه نظرك؟
بصي كل واحد يادينا حر في اللي بيعمله طالما مش بيضر غيره
اعز صديقاتك مثليه و ليها حبيبتها انت لو بتحبي واحد حتتضايقي اكيد لما تيجي و تقول كلام وحش عليه صح؟
لازم نحترم بعض يادينا حتي لو من جوانا مش مقتنعين بالحب المثلي
كونها صح او غلط ده قناعتها الشخصيه
كون الجنس مع الحب لازم او مش لازم ده شئ بين اي اتنين كوبل ممكن اتنين يحبوا بعض حب عذري و مش عايزين جنس اوكي هما مستريحين كده
انتي يمكن حاسه بعدم راحه عشان انتم قريبين من بعض و ممكن مثلا تفكر فيكي بشكل تاني غير انكم صحاب و بس؟مجرد تساؤل و لا اقصد به اي تجريح صدقيني هي لو عارفاكي يادينا و محترمه ميولك الجنسيه عمرها ماحتحاول معاكي ثقي من ده
اهم حاجه وجود احترام و تفاهم بين الأصدقاء
ارجو ان اكون افدتك
ماتخسريش صاحبتك عشان ميولها الجنسيه يادينا لو هي انسانه كويسه و عزيزه علي قلبك حافظي علي صداقتها
غريبة اوى يا جماعه اللى بتقولوه على تقبل الشواذ جنسيا انا ما بتكلمش عن حالة دينا وصاحبتها انا بتكلم بشكل عام اولا الشاذ جنسيا مريض يجب ان يعالج مش نقبله على عيبة وخصوصا ان مرضه معدى
مش فاهم يا اما انا بفكر بشكل شاذ وانتو بتفكروا صح يا اما العكس
اولا الغرض من الجنس فى اى عقيده او اى توجه دينى او غير دينى هو بغرض الحفاظ على الجنس البشرى والشاذ جنسيا بيعمل كده لمزاجة لكيفه وممكن يعتدى على اقرب الناس ليك ابنك بنتك زى ما بنشوف ونسمع
ياجماعه افهموا قصدي والنبي
دي بتقول ان مفيش علاقه جسديه هتكون بينهم
هل فعلا في حب وعشرة بين اتنين والجنس مش موجود ؟
انا محتاجه رد
hi dina:\
yes tab3an momken yekon feh love withot sex or even touching el 7ob dah 2e7sas o sho3r o 2a7la 7aga el 2e7sas sada2eny lama hat7eseh mesh hayefre2 ma3aky el sex at all
keep ur frinds and dont loose her
دينا
ما تسبيش اى حاجه فى الدنيا تفرقك عن صاحبتك
وهى لو خبيت عليك
اكيد علشان كانت خايفه من رد فعلك
وهى طالما صاحبنك وفهماك
يبقى اكيد عرفاك وعارفه ميولك
وعمرها ما هتطلب منك حاجه الا الصداقه
بلاش تهدى صداقته عمر يا دينا على اساس افتراض
الصداقه دى حاجه غاليه جدا
ولو ضاعت من الواحد بيبقى صعب جدا انها تتعوض
هى حره طبعا تعمل اللى هى عايزاه
بس ما اظنش انك هتبقى مرتاحه وانت بتتعاملى معاها
لان عمر العلاقه ما هترجع زى الاول
خليها تخرج من حياتك احسن
لا طبعا اكيد هيكون فيه جنس
انا مش فاهمة مشكلتك ايه تحديدا يا دينا ؟؟ انها طلعت مثلية ؟ واللا انها بتقولك انها وصاحبتها مفيش بينهم جنس ؟؟؟
فى الحالتين انا شايفة انها حرة زي ما انتى حرة طالما هى مفرضتش عليكى انك تقومى بأى عمل مشين .
يعنى لو هى كانت مرتبطة براجل وعايشة معاه ومش هتتجوزه سواء فيه جنس او مفيش كان هيبقى مقبول بالنسبة لك ؟؟
العلاقات البشرية فى الاخر حرية شخصية ترتبط براجل ترتبط ببنت عليكى ان تتقبليها وتحترميها زي ما هى ، وكمان انتى بتقولى انكم اصحاب وعشرة من سنين يعنى اكيد عارفة تفكيرها واخلاقها يعنى مش واحدة عرفتيها من الشارع وخايفة لتكون شُبهة عليكى .
انتى اللى رد فعلك مبالغ فيه يمكن لانك مكنتيش تتوقعى ان صديقة عمرك مثلية رغم انك بتعلقى عن ناس كتير مثليات يعنى معندكيش العقدة دى ، فليه بقى لما الموضوع جه لصحابتك اتضايقتى ؟؟ واللا انتى بتقولى مالا تفعلينه ؟؟
وعلشان اكون حيادية حاولى تقعدى تتكلمى معاها بتعمق وبصراحة وافهمى هى دى اول علاقة فى حياتها واللا كان فيه غيرها وليه اتعلقت بالبنت التانية دى ؟ وهل البنت التانية مثلية واللا اول مرة برضه ؟؟ وياترى شايفين حياتهم هتكمل ازاى ؟
حاولى تاخدى وتدى كده بهدوء احتمال تقدرى فعلا يا تقنعيها يا تقنعك يااما يبقى الوضع كما هو عليه وعلى المتضرر ان يلجأ للقضاء
انتي ربنا يعينك فعلا على اتخاذ القرار
بس انا بصراحة مش هقدر ابص في وشه او وشها وده الحق كلام القلب مش العقل لان العقل هيقولي عامله زي الاول عادي وده حل صعب التطبيق على الواقع
في حل تالت انك تفرمتي الذاكرة وتنسي اللي قالتهولك او تستعيني بالجهاز اللي في فيلم men in black
سما
شوفى انا زعلانه على كونها مثليه الجنس
لان انا كنت اتمنى اشوف اولادها لكن للاسف
واللي ضايقني اكتر انها شايفه ان موضوع زى ده عادي
انا مش ضد المثليه دى حريه شخصيه وكل واحد حر فى اختيار شريك حياته
لكن لما توصل لصديقه عمري انا شايفه محاولتي لتغييرها مش غلط خاصه ان الانسانه دي اول حب فى حياتها
وانا مش هفرح لما تكون اختي مثليه مش اهانه والله
لكن انا نفسي اشوف اولادها واشوفها ام خاصه ان دى كانت امنيه حياتها قبل كده
ده سبب صدمتي ياسما
غيرت تفكيرها لما عرفتها
بصي
اولا دي اول مره ادخل مدونتك وشدني الموضوع وشدني اكتر حيرتك في اتخاذ القرار بين استمرار صداقتكم وبين انك تبعدي عنها
واجابة الاستفهام ده في موقف ممكن نتخيله
فرضنا انك بعد سنه ولا اتنين ولا تلاته .. اتعرفتي على واحد وحبيتو بعض او على الاقل هو حبك وحب يسأل عنك ويسأل عن صحابك وعن حياتك .. واكتشف انك تعرفي صاحبتك دي وانها كده .. تعتقدي هيقول ايه بينه وبين نفسه قبل ما يفاتحك بحبه او بمشاعره ناحيتك
نيجي بقى لثانيا .. حوار المثليه الجنسيه وان المثليين مش مهتمين بالجنس والكلام ده مش مظبوط ميه في الميه .. هم مشاعرهم وحبهم غير سوي .. بمعنى ان الجنس كعلاقه مشروعه بين الازواج شي حلال ومافيش فيه اي اختلاف بشرط انه يكون عن تفاهم وعن اقتناع بالآخر ومراعاة بعض الحاجات .. يعني غريزة انسانيه طبيعيه ومسموحه للازواج وحلال في كل الديانات
واي شذوذ او استنفار من شيء ربنا حللو يبقى غلط وداخل من منطق الاعتراض في او على خلق الله
واعتقد ان ده غلط وحرام .. والله اعلم
اخيرا .. الكورة بين ايديكي وفي ملعبك .. وبايدك تستمري في صداقتك او تنفصلي عنها
بس فكري في الموضوع من كل النواحي
سلامووووووووووووز
والله فعلا سؤال صعب اوي وانا مقدر حالتك جدا ولسه من شوية كاتب عن نفس الموضوع بس هوه مش شخصي.. انا بناقش هل الأفضل نعترف ونسمح ونتسامح بالمختلفين عنا ولا نستمر زي ماحنا قافلين عليهم ونافينهم لعوالم الضلمة والظلام.. عقليا أنا مع حق أي مخلوق في أي حاجة قانونية.. عاطفيا مش قادر أخالف التربية والثقافة والنشأة عشان كده محتار وعشان كده بسأل
مدونتك حقيقي جميلة وعاجباني جدا.. ربنا معاكي كان نفسي أفيدك بس أنا نفسي محتار
السائل
http://questioner.maktoobblog.com
دينا
انا عايزة أقولك رأي أنو ممكن أوي أنو ما يحصلش جنس بين اي اتنين .. بس مش لمدة طويلة .. وهي فكرة الحب بين اي اتنينن سواء مثليين أ, طبيعين أن اي علاقة حب هيكون فيها ممارسة حب بأي شكل من الأشكال
فهي كانت عايزة تراعيكي في النقطة دي لأن ما تقدرش تفصل بين الحب والجنس والحاجات التانية .. لو كان حتحب وحدة تانية والي اسمها حبيبتها وتقولها كل يوم صباح الخير يا حبيبتي وتصبحي على خير يا روحي ... يبقى تخليها صداقة وعادي .. ما تسميهاش حبيبتها وتصاحبها .. ده رأي وبس
تحياتي
إرسال تعليق