CLICK HERE FOR THOUSANDS OF FREE BLOGGER TEMPLATES »

الثلاثاء، ١٦ أكتوبر ٢٠٠٧

اغلى الاصدقاء



حبيبه عمرى واغلى الاصدقاء
احيانا يعجز الكلام عن وصف مقدار الحب
وحين اتحدث معك انسى كلمه كذب
اعيش فى حياه مليئه بالسعاده
وفيها تكونى انتى فى عونى بعد الرب
حبيبه العمر والروح قبل القلب
بحُبكِ انتى علمت معنى الصدق
فى كل يوم اجد فيه نفسى معك
اُذكر الايام بان معكِ القلب


نويت ان ابدأ حياتى من جديد
اخترت ان تكونى فى جرحى انتى العيد
اخترت ان احدث الروح بالكلام
وان اعيش معكى بحب وانسجام
ولن اعيش يوما ولن اموت فيه
سارفض ان اعيش ان لم تكونى لى


فى كل لحظه اغفو اراكى فى المنام
وكل لحظه اسرح تكونى لى الهيام


لو قولت فيكى شعرا لنفذت السطور
لو قلت فيكى نثرا ستنثرى العطور
لو قولت فيكى غنوة ستغنى لى الزهور
قلبى بدون قلبك
كوكب ناقص مشتور


احبك بالمعانى احبك بالكلام
يامعنى نبض قلبى يافرحه الايام
احبـــــــــــــــــــــــــــــــــــــــــــــــــك

20 التعليقات:

Heart Beat يقول...

ما شاء الله

حلو الشعر ده يا دينا

قلمك بيكتب بأحساس قلبك

عشان كده طالع الكلام جميل

ربنا يوفقك دايما

عروس البحر يقول...

لاول مرة بالاسكندرية : دعوة لكل مواطن ولكل مدون حر: لحضور .............

ملتقي الدفاع عن سجناء الراي وحقوق الانسان بالإشتراك مع ....

تجمع المدونين الطامحين في وطن عربي بدون سجين رأي واحد

و بحضور نخبة من الصحفين والسياسين والمدونين

فرصه حقيقيه ليجتمع المدونين مع بعضهم البعض

ويعلنوا تضامنهم مع حرية الصحافه والكلمه في مصر

موعدنا : الخميس 18/ 10 الساعه 5

بنادي المحامين بجليم كورنيش البحر الاسكندرية

بحضور وائل الابراشي وعصام العريان ونخبة من رموز الاحزاب

سمـــــــــا يقول...

ايه البداية القوية دى يا جميل

احساسك جميل وكلامك رقيق

ربنا يوفقك ويسعد قلبك مع حبيبتك وصديقتك لان اجمل ما فى الكون ان تكون حبيبتك هى صدقيتك الوحيدة

ربنا يديم عليكم المحبة

تحياتى

bio يقول...

مبروك المدونه
مش مستغرب أنك قرفانه وأنت لسه 19 سنه خاصة أنى مولود قرفان
طبعآ أنا بهرج أنا بدأت حالة القرف تقريبآ وأنا فى سنك
ابتدت الأمور تتضح ليا شويه بشويه
ولكن أرجو ليكى التغلب على القرف
لأنه قد يصبح هو مودك الدائم
فأحذرى يا دينا

غير معرف يقول...

تحياتي لكي دينا

كلماتك اكيد بتحمل احساس جميل للحب اللي جواكي نحيه حبيبتك و اكيد هي لما تشوفي الكلام ده حتكون سعيده

ممكن اسألك سؤال لو تسمحيلي بعيد عن الموضوع صديقي العزيز روميو صاحب مدونه يوميات روميو اخبرني عن طريق مدونتي بأن هناك فتاه اسمها دينا قامت بالتعليق لديه في مدونته فأسمحيلي ان اسألك هل انتي من علقتي لديه في مدونته ؟
اشكرك مقدما علي ردك
تحياتي لكي

dina يقول...

العزيزة اجندا
انا دخلت مدونتك وشوفت التعليق
لكن مش انا اللى علقت
انا بعلق عند مثليات كتير جدا
وعمرى ماكنت ضد اى حد فيهم
بالرغم من انى مش مثليه الا ان عمرى ماكنت ضدهم
وانا كاتبه البوست ده لاعز صديقه ليا
هى اختى وحبيبتى وصديقتى
لكن احنا اخوات واصدقاء بس
انا بتاسف لك اجندا على سوء التفاهم اللى حصل عندك

dina يقول...

Heart Beat العزيزة

ربنا يخليكى يارب
انا سعيده جدا ان الكلام عجبك
لان الصراحه راي فنانه جميله زيك مهم جدا عندى

dina يقول...

عروس البحر

انا اسفه بس انا قاهريه

dina يقول...

سمـــــــــــا
شكرا لكلامك
وهى فعلا صديقتى واختى ربنا يديم المحبه للجميع

غير معرف يقول...

عزيزتي دينا

انا برضه و الله كنت حاسه بكده و ان دينا اللي علقت مش انتي بس قولت اسألك قبل مااتكلم مع صديقي

ماتتصوريش اد ايه ريحتيني بتعليقك و ردك عليا
مرسي ليكي و انا اللي اسفه لو كنت ازعجتك و بشكرك مره تانيه علي سعه صدرك و عقليتك المتفتحه
تحياتي ليكي دينا

dina يقول...

العزيزة اجندا حمرا
ولا تتاسفى ولا حاجه ومفيش ازعاج ابدا
بالعكس وجودك يشرفنى دائما
كل عام وانتى بخير

dina يقول...

bio

انت شايف ان المود ده هيفضل معايا لو ما غيرتش التفكير
بس انا من رايى انه هيفضل معايا لو ماغيرتش البلد

غير معرف يقول...

قرفانه من الدنيا ما تسيبيها ربنا يخدك ويريحك من اللى انتى فيه

dina يقول...

غير معروف
لكل واحد منا ساعه
الله اعلم مين هيموت قبل مين
وبعدين دعائك على الغير حرام
ده احنا من دين واحد
وحتى لو من دين مختلف
بس يلا الناس كلها بقت كده

غير معرف يقول...

شعرك حلو جدا وموضوع مش مستهلك رغم عدم اقتناعى بوجود الصداقه حاليا

كلام من القلب يقول...

دينا باشا

احساسك روعة بجد ايه الكلام الحلو ده ده انتي طلعتي بتكبتي وبتشعري اهو كمان

مكنتش اعرف الكلام ده انا هههههههه

وبجد احساسك قلبك حلو اوي ربنا يخلي صاحبتك واختك وحبيبتك ليكي يارب
الصداقة احلى حاجة فى الدنيا والواحد لما يلاقي حد بجد بيحبه ويبقى كل حاجة فى الدنيا بيتمسك بيه اوي لان صعب اوي تلاقي حد تثقي فيه وتبيحه اوي ويحبك بجد من قلبه من غير مايكون جواه اي غيرة ولا اي احساس تاني
احساس صادق صافي وبس
ربنا يديمها عليكي يارب بجد يادينا ويسعد قلبك يارب
وماتبقيش زهقانة ولا قرفانة من اي حاجة ابدا
وممكن ياستي الصديقة دي بقى هيا اللى تغير نظرتك للدنيا كلها

Unknown يقول...

يعنى انا هتكلم على اساس انى صديقتك واعرفك من زمن الزمن
بس الغريب هنا
الصراحه يعنى فى تناقض مع كلامك
انتى قولتى انك بتشجعى المثليه لكن عمرك ماهتكونى مثليه
والصراحه كلامك لو اى حد شافه هيقول انك مثليه
وانا مش هستنى لما اشوفك او حتى اكلمك
انا عايزة ردك قدامى هنا وعلشان انا فهم وغيرى يفهم التناقض ده
دينا ياريت تجاوبى كلام يدخل العقل

dina يقول...

رئيس جمهوريه نفسى
خى الصداقه موجوده بس قليله جدا
ربنا يكرمك بصديق حقيقى

dina يقول...

عزيزتى كلام من القلب
ليه الكسوف ده بقى
ربنا يخليكى يارب
وفعلا الصداقه احسن حاجه واجمل شئ فى الوجود ونعمه من عند ربنا
وفعلا صعب قوى قوى اننا نلاقى حد نثق فيه ونحبه
هى غيرت فيا حاجات كتير
لكن نظرتى للدنيا لسه ما اتغيرتش
ربنا يسعدك انتى كمان

dina يقول...

small
انا عايزاكى تهدى وتتكلمى بهدوء
انتى داخله جامده عليا قوى كده
وانتى مش فاهمه حاجه
بصى يابنتى
انا مش مثليه الكلام ده لاخت ليا
انتى ماتقوليش كلام زى ده لاختك
عارفه انك هتقولى الكلام مبالغ فيه
لكن انتى لما تحبى واحد هتقولى فيه اشعار
لكن دى معاها اسرارى وهى اللى بتعرف تخرجنى من الحزن والزعل والقرف
بفتح لها قلبى مابقدرش اكذب عليها بحس انها انا
يبقى خسارة فيها الكلام ده
انا كتبت اللى بحسه واللى هى بتعمله معايا
وهى اختى وصديقتى
بلاش حبيبتى علشان بتزعلك
وانتى اكتر واحده عارفه رايى فى المثليه
عارفه انى بقول انها حريه شخصيه وانى مش هحاسب حد ولا هحرك الناس على مزاجى
يعنى كان لازم تكونى فاهمه
يارب تكونى فهمتى