حب ايه اللى انت جاي تقول عليه!!؟؟

كتير مننا حَب وقلبه انشغل بإنسان قال انه هيفضل في قلبه للابد
الحب ايه معناه؟
في ناس كتير بتقول الحب جنس
يعني اشوف واحد مثلا اعجب بشكله وجسمه الرياضي
او انت تشوف واحده تعجب بجسمها وتحبها لمجرد الجنس

وفي ناس بتقول الحب معامله
يعني مش مهم شكلك او جسمك مش لازم يكون رياضي
علشان احبك واعجب بيك
اهم حاجه ان انت تسعدني وتهنيني وتعاملني على اني انسانه
وتحافظ على مشاعري مش تدوس عليها

وفي ناس تقول الحب مش سهل ليه شروط كتير
وان الناس دي علشان قلبها يخفق لازم يمر الشخص اللي هيتحب ده بعده مراحل!!!
يعني لازم يكون بيفهمني وبيحس بيا وبيخاف عليا وووو بجانب انه جذاب

وفي ناس تربط الحب بمبدأ الفلوس
لو غني اه وماله احبه ونتجوز ونعيش فى تبات ونبات
ونخلف اطفال عاهات

الناس دائما بتختلف في كل حاجه لكن انت او انتِ
ايه مفهوم الحب فى نظرك؟
وهل هو فعلا زي ما انا قولت ولا لأ؟
ولو لأ عرف لي انت اوانتِ الحب من وجهة نظرك؟

رباعيه

ياقلب غادر حاقد لكل صاحب دار
انت تبيع الصحبه وتعيش حزين منهار
عايز الكل يجي يبكي عليك وينوح
وانت اللي بعت بايدك
وسيبت ناس تنهار
تحب الكل يبقى قلقان وحزين عليك
والغدر نايم صاحي عايش في نن عنيك
الحب عمرة ماكان لك
ولا عمرة يوم هيكون
ازاي تعيش
ياقلبك
وانت قدرت تخون

ممكن اجابه مفيدة ؟

لو انت طبيعي
وعرفت ان اعز اصدقائك مثلي الجنس
واللى فهمته منه انه مش بيفكر فى الجنس نهائي
لا ده مجرد انه بيحب واحد من نفس نوعه وكل هدفه اخ وصديق وحبيب يراعي المشاعر
لكن مش جنس ابدا
عموما هل فعلا فى حب كده
حب خالص !!!
مالوش دعوة بالجنس
ولو في هل صح ان واحد يعيش مع واحد تانى بدون زواج يعنى لاده يتزوج ولا ده يتزوج
انا مش ضد المثليه لكن لما تبقي اعز صديقاتي بتتكلم كده وتطلعني عقلي صغير وبكبر الموقف يبقي لا ده زيادة قوى
هي حرة فى حياتها لكن مش من حقها تفرض رأيها عليها وتفهمني وتجبرني على اني اصدق انها صح
أنا بتأسف لكل مثلي ومثليه هيشوفوا الموضوع لكن دى عشرة عمري
وكانت مخبيه عني
انا عقلي هيطير بجد مش قادرة اتعايش مع الموقف ده
وعايزة حد يسمعنى رأي يفيدني
انا شايفه انه غلط واستحاله حب كده اكيد الجنس هيتغلغل العلاقه دي
اجلا ام عاجلا
هل انا صح ولا غلط ؟
اخسر اعز صديقاتي علشان هي كده ولا لأ ؟
ارجوكم حد يجاوبنى والله دى حقيقة وانا محتارة جدا

وأنا عارفه انها هتشوف الموضوع ده
وبقول لها انا بحبك وانتى اختي لكن
أنا أسفه لو كلمتك بطريقه وحشه وقولت ألفاظ مش كويسه على حبيبتك-زى مابتحبى تناديها-
أنا أسفه لكن لسه مش عارفه أنا صح ولا غلط
وكفايه رد واحد يفهمني صح

ندم العمر

ندم العمر

كل واحد فينا اكيد قام بخطوة معينه فى حياته وندم عليها ندم عمرة
الكلمات دى لشخصيه كانت فى يوم من الايام اقرب حد ليا
وانا بقول للشخصيه دى انى ندمانه عليها جدا



بعد الفراق والاختيار الخطأ
قابلت ناس وكان كلامهم حروف
ولما اقعد لوحدى افتكر
ان الزمان فى الدنيا دى مألوف
وكل واحد فينا ياما اختار
وكان خيارة غلط والغلط معروف
ندمت انى بعت حبيب يساوى الوف
غلطت غلطه عمر
وعمرى بقى فى صفوف


قابلت بعدك ياما
والله ولا يهموا
عشت انا فى دوامه
والقلب ايه يهموا


كنت معاك بجد بنسى كل جراح
لا عمرى قولت حد ولا حتى عمر وراح
سامح علشان القلب فى البعد كله جراح
وانا عارفه ان الجرح
صعب يلاقى سماح

كلمات صادقه

كلمات صادقة


لا تيأس إذا تعثرت قدماك
وسقطت في حفرة واسعه .. فسوف تخرج منها
و أنت أكثر تماسكا وقوة
والله مع الصابرين

لا تحزن إذا جاءك سهم قاتل من أقرب الناس إلى قلبك
فسوف تجد من ينزع السهم ويعيد لك الحياة و الابتسامه

لا تضع كل أحلامك في شخص واحد
ولا تجعل رحلة عمرك وجه شخص تحبه مهما كانت صفاته
ولا تعتقد أن نهايه الأشياء هي نهاية العالم
فليس الكون هو ما ترى عيناك

لا تنتظر حبيباً باعك
وانتظر ضوءاً جديداً يمكن أن يتسلل إلى قلبك الحزين
فيعيد لأيامك البهجة ويعيد لقلبك نبضه الجميل


لا تحاول البحث عن حلم خذلك
وحاول أن تجعل من حالة الإنكسار بداية حلم جديد

لا تقف كثيراً على الأطلال
خاصة اذا كانت الخفافيش قد سكنتها والأشباح عرفت طريقها
وابحث عن فجر ساطع
يتسلل وراء الأفق مع ضوء صباح جديد

لا تنظر الى الأوراق التي تغير لونها
وبهتت حروفها .. وتاهت سطورها بين الألم و الوحشه
سوف تكتشف أن هذه السطور ليست أجمل ما كتبت
وأن هذه الأوراق ليست اخر ما سطرت
ويجب أن تفرق بين من وضع سطورك في عينيه
ومن القى بها للرياح

لا تكن مثل مالك الحزن
هذا الطائر العجيب الذي يغني أجمل الحانه وهو ينزف
فلا شيء في الدنيا يستحق منك دمعة واحده

إذا أغلق الشتاء أبواب بيتك
وحاصرتك تلال الجليد من كل مكان
فانتظر قدوم الربيع وافتح نوافذك لنسمات الهواء النقي
وانظر بعيدا فسوف ترى أسراب الطيور وقد عادت تغني
وسوف ترى الشمس وهي تلقي خيوطها الذهبيه فوق أغصان الشجر
لتصنع لك عمراً جديداً وحلماً جديداً .. وقلباً جديداً

ادفع عمرك كاملاًًًًًًًًًًًًًًًًًًًًًً لإحساس صادق وقلب يحتويك
ولا تدفع منه لحظة في سبيل حبيب خادع
أو قلب تخلى عنك بلا سبب

لا تسافر الى الصحراء بحثاً عن الاشجار الجميله
فلن تجد في الصحراء غير الوحشة
وانظر الى مئات الأشجار التي تحتويك بظلها
وتسعدك بثمارها ..

لا تحاول أن تعيد حساب الأمس
وما خسرت فيه .. فالعمر حين تسقط أوراقه لن يعود مرة أخرى
.. ولكن مع كل ربيع جديد سوف تنبت أوراق أخرى
فانظر الى تلك الأوراق التي تغطي وجه السماء
ودعك مما سقط على الأرض فقد صارت جزءاً منها

إذا كان الأمس ضاع .. فبين يديك اليوم
وإذا كان اليوم سوف يجمع أوراقه ويرحل .. فلديك الغد

لا تحزن على الأمس فهو لن يعود
ولا تأسف على اليوم .. فهو راحل
واحلم بشمس مضيئه في غد جميل

إننا أحياناً قد نعتاد الحزن حتى يصبح جزءاً منا
ونصير جزءاً منه.. وفي بعض الأحيان تعتاد عين الإنسان
على بعض الألوان ويفقد القدرة على أن يرى غيرها ..
ولو أنه حاول أن يرى ما حوله لأكتشف
أن اللون الأسود جميل .. ولكن الأبيض أجمل منه
وأن لون السماء الرمادي يحرك المشاعر والخيال
ولكن لون السماء أصفى في زرقته .. فابحث عن الصفاء ولو كان لحظة .. وابحث عن الوفاء ولو كان متعباً و شاقاً
وتمسك بخيوط الشمس حتى ولو كانت بعيده
ولا تترك قلبك ومشاعرك وأيامك لأشياء ضاع زمانها

إذا لم تجد من يسعدك فاسعد نفسك بارضاء الله
وإذا لم تجد من يضيء لك قنديلاً .. فلا تبحث عن اخر تطفأه
وإذا لم تجد من يغرس في أيامك ورده
فلا تسعى لمن غرس في قلبك سهماً ومضى

أحياناً يغرقنا الحزن حتى نعتاد عليه .. وننسى
أن في الحياة أشياء كثيرة يمكن أن تسعدنا
وأن حولنا وجوهاً كثيرة يمكن أن تضيء
في ظلام أيامنا شمعة .. فابحث عن قلب يمنحك الضوء
ولا تترك نفسك رهينة لأحزان الليالي المظلمة

اغلى الاصدقاء

حبيبه عمرى واغلى الاصدقاء
احيانا يعجز الكلام عن وصف مقدار الحب
وحين اتحدث معك انسى كلمه كذب
اعيش فى حياه مليئه بالسعاده
وفيها تكونى انتى فى عونى بعد الرب
حبيبه العمر والروح قبل القلب
بحُبكِ انتى علمت معنى الصدق
فى كل يوم اجد فيه نفسى معك
اُذكر الايام بان معكِ القلب


نويت ان ابدأ حياتى من جديد
اخترت ان تكونى فى جرحى انتى العيد
اخترت ان احدث الروح بالكلام
وان اعيش معكى بحب وانسجام
ولن اعيش يوما ولن اموت فيه
سارفض ان اعيش ان لم تكونى لى


فى كل لحظه اغفو اراكى فى المنام
وكل لحظه اسرح تكونى لى الهيام


لو قولت فيكى شعرا لنفذت السطور
لو قلت فيكى نثرا ستنثرى العطور
لو قولت فيكى غنوة ستغنى لى الزهور
قلبى بدون قلبك
كوكب ناقص مشتور


احبك بالمعانى احبك بالكلام
يامعنى نبض قلبى يافرحه الايام
احبـــــــــــــــــــــــــــــــــــــــــــــــــك

الناس ليه كده

فى الاول برحب بالجميع وانا سعيده جدا انى هبقى ان شاء الله واحده منكم
هتكلم فى موضوع قارفنى جدا وحارق دمى
وهو ليه الناس وحشه

انا عايزة كل واحد يدخل ده ول دخل حد اصلا يقولى من رايه الخاص ليه الناس بقت بالوحاشه دى
انا عمرى ماشوفت واحد بيتعامل مع التانى بحب لمجرد انه بيحبه
لازم نفاق وكذب وخداع علشان يبقى انسان
والله حرام اللى بيحصل ده وغير كده احنا فى وقت حرب تفتكروا لما امريكا تلاقى ان مفيش بلد واحده رايحه تدافع على العراق
يبقى ليها الحق تفكر انها تستولى على العالم العربى طبعا لانه واللهم لاحسد مالوش دعوه بحد كل دوله بتقول نفسى نفسى نفسى نفسى
انا روحت لموضوع تانى بس برضه بيبين قد ايه الانسان طماع وانانى ووحش
يعنى لو انت عراقى او فلسطينى ولقيت اختك ابوك امك اختك بيموتوا قدامك بامانه الله ايه هيبقى احساسك
او شوفت اختك بتغتصب قدامك من كلب امريكى او كلب اسرائيلى
انا اسفه انى بقول الكلام ده بس دى حقيقه
هتكره العرب لانهم قادرين يعملوا حاجه وواقفين ساكتين
يبقى من الاخر وداعا يا إنسانيه وداعا يارجوله وداعا ياشهامه وداعا ياعرب
وفى النهايه احب افكر كل عربى ان الدور على اى بلد ممكن تكون بلدى او بلدك
وساعتها هنبقى مطاردين ومش لاقيين مكان نعيش فيه
ياريت يبقى قلبنا على بعض
دلوقتى العربى بيقتل العربى المصرى بيقتل المصرى والله حرام
احنا عايزين نبقى ايد واحده مش نخلص على بعض
انا اسفه لو كلامى ضايق اى حد